利物浦冠軍路

真係一個完美既賽事。

支持咗利物浦都有十年咁耐，雖然依幾年大部份時間都係睇住佢排係英超榜上游位置，但係每一年睇佢同積分榜榜首球隊個差距遠到好似幾條電燈柱位既距離，個心就真係酸到難以形容。

今日既利物浦終於升上英超榜首位置(只係踢咗9場)都係全因為賓sir佢獨有的優良攻防策略，同埋佢勤力既性格。唔單子咁喎，係賓sir既帶領之下，依家個利物浦積分已經抛離曼魚8分之多，依種要俾曼魚追趕感覺就只能用"無價"黎形容！

當然除左佢之外，大部份既功勞就當然要分返俾啲球員，其次就係我地啲利物浦粉絲啦！

另一個令我心情極為興奮既原因就係利物浦終於終結咗車路屎既86場主場不敗記錄！睇住車路屎啲粉絲想喊個樣就係爽撚到爆撚晒燈！如果尋晚唔係因為我一個人睇波的話，我一定開心到攬住人群裡既其中一個人跟住係咁拼命跳啦！

所以車路屎，如果你要係你自己主場報仇的話，就唔該你等下季啦！話唔定下季都未必得喎！哈哈哈哈！